अभिभावककै कारण बालबालिकाको भविष्य बर्बाद हुँदै

अभिभावककै कारण बालबालिकाको भविष्य बर्बाद हुँदै

जाजरकोट । अभिभावककै कारण बालबालिकाको भविष्य बर्बाद हुँदै कतै बाबुको मृत्यु हुँदा आमाले दोस्रो बिहे, त कतै बाबु पत्ता नलाग्दा यहाँका एक हजार पाँच सय बालबालिका जोखिमपूर्ण जिन्दगी बिताउन बाध्य भएको पाइएको छ ।

 

आमा, बाबाको न्यानो माया र शिक्षा अनि संस्कार सिक्ने उमेरमा बेवारिसे बन्दै जिन्दगी नै धरापमा परिरहेको अवस्थाले गर्दा निकै समस्या

परेको सरोकारवाला निकायको भनाइ छ । यति मात्र कहाँ हो र कतै आर्थिक अभावका कारण बिरामीको शरीर निको नहुँदा पलपल मृत्युसँग

बाँचिरहेका बालबालिकाको सङ्ख्या पनि ठूलो रहेको छ, यहाँ ।

 

जोखिममा परेका ती बालबालिका पढाइको साटो गिट्टी कुट्ने, भाँडा माझ्ने, गोठालो गर्नेलगायत कार्य गरेर जीवन निर्वाह गर्न बाध्य छन्  ।

जाजरकोटमा एक हजार ५०० बालबालिका जोखिममा रहेको तथ्याङ्क सार्वजनिक भएको छ । यहाँका सातवटा स्थानीय तहबाट सङ्कलन गरेको

तथ्याङ्कअनुसार ठूलो सङ्ख्यामा बालबालिका जोखिममा परेको देखिएको हो । ६७४ बालक र ७०० बालिका जोखिममा छन्  ।

 

बारेकोट गाउँपालिकामा १६०, जुनिचाँदे गाउँपालिकामा ५५७, शिवालय गाउँपालिकामा ११८, छेडागाड नगरपालिकामा १६४, नलगाड

नगरपालिकामा २३६, भेरी नगरपालिकामा २०६ र कुशे गाउँपालिकामा सय बालबालिका जोखिममा रहेको प्रजिअ ललितकुमार बस्नेतले

जानकारी दिनुभयो  ।

सबै स्थानीय तहका गाउँगाउँमा पुगेर तथ्याङ्क सङ्कलन गर्न नसकिएका कारण जोखिममा परेका बालबालिकाको सङ्ख्या अझ बढ्न सक्ने

देखिएको छ । “गत आर्थिक वर्षमा जिल्लाबाट तीन दर्जन बालबालिका हराएकामा २७ जनाको उद्धार गरिएको थियो ।” गत आवमा

हराएकामध्ये नौजना बालबालिका फेला नपरेको प्रजिअ बस्नेतले बताउनुभयो ।

 

त्यस्तै जिल्लाबाट हराएका ३३ महिला अझै फेला नपरेको उनको भनाइ छ । अशक्त र जोखिममा परेका बालबालिकालाई शिक्षा, खाना तथा

आवासका लागि स्थानीय सरकारले कुनै पनि खालको बजेट विनियोजन नगर्दा थप समस्या भएका नागरिक अगुवा राजेन्द्रविक्रम शाहले

बताउनुभयो ।

 

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment