विराटनगरमा प्रहरी कार्यालय नजिकै दुई वटा पसल चोरी

विराटनगरमा प्रहरी कार्यालय नजिकै दुई वटा पसल चोरी

विराटनगरमा पछिल्ला दिनमा चोरीका घटनाहरु बढ्न थालेका छन् । केही दिन अघिमात्र विराटनगरको महेन्द्र चोकमा मोबाइल पसल चोरी भएको थियो । त्यो घटनाका दोषीलाई प्रहरीले पक्राउ गर्न नपाउँदै बुधबार राति फेरि विराटनगरको दुई वटा पसल चोरी भएको छ ।

विराटनगर महानगरपालिका र वडा प्रहरी कार्यालय नजिकै रहेको पञ्चकन्या ट्रेडलिङ्क र गणनायक मार्केटिङ हाउसमा चोरी भएको हो । पञ्चकन्या ट्रेडलिङ्कबाट ४ लाख चोरी भएको र गणनायक मार्केटिङ हाउसबाट ५० हजार चोरी भएको जिल्ला प्रहरी कार्यालय मोरङका डीएसपी राजकुमार खिउजुले बताउनुभयो ।

घटनाको बारेमा अनुसन्धान भइरहेको डीएसपी खिउजुले बताउनुभयो ।

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment