भारतको एक मन्दिरमा भागदौड, चारको मृत्यु, कैयौँ घाइते

भारतको एक मन्दिरमा भागदौड, चारको मृत्यु, कैयौँ घाइते

पूर्वी भारतीय राज्य पश्चिम बंगालको एक मन्दिरमा रहेका तीर्थालुबीच शुक्रबार भएको भागदौडमा परी चार जनाको ज्यान गएको बताइएको छ। सो भागदौडमा परी अरू कैयौँ व्यक्ति नराम्ररी घाइते भएका छन्। शुक्रबार कृष्णाष्टमीको अवसरमा पूजाआजा गर्न गएका हिन्दू तीर्थालुबीच सो भागदौड भएको बताइएको छ। उत्तरी पारागन जिल्लामा रहेको भगवान श्रीकृष्णको मन्दिर ‘काछु’ मन्दिरमा भएको भागदौडमा ती व्यक्तिको ज्यान गएको समाचारमा जनाइएको छ। उक्त मन्दिर परिसरमा रहेको पर्खाल अकस्मात भत्किएपछि पूजा आराधनाका लागि ठूलो संख्यामा उपस्थित ती तीर्थालुबीच भागदौड मच्चिएको थियो। उक्त दुर्घटनामा परी घाइते भएकाहरुलाई नजिकैको अस्पताल पुर्‍याइएको छ। घाइते के कतिजना छन् भन्ने बारेमा पूर्ण विवरण आएको छैन। कृष्णाष्टमी पर्व हिन्दू धर्मावलम्बीले भगवान् श्रीकृष्णको जन्म दिनको रूपमा उनको पूजा आराधना गरी भव्य रूपमा मनाउने गर्दछन्। भारतमा हिन्दू धर्मावलम्बी विभिन्न तीर्थस्थलमा भीड लाग्ने र भागदौडबाट कैयौँ नागरिकको ज्यान जाने गरेका समाचार आउने गर्दछन्।

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment