जुम्लामा चट्याङ लागे २ सय ५० भेडा मरे

जुम्लामा चट्याङ लागे २ सय ५० भेडा मरे

जुम्ला – जुम्लाको तिला गाउँपालिका – ६ पाटनमा बिहीबार चट्याङ लागेर २५० ओटा भेडा मरेका छन् ।

स्थानीय नुनिलाल रावत, लालबहादुर रावत, जयलाल रावत, बाँचे रावत र देवबहादुर रावतका भेडा मरेको स्थानीयवासी महाविर रावतले जानकारी दिनुभयो । चट्याङ लागेर महाविर रावत घाइते भएका छन् ।

व्यावसायिक रुपमा भेडा पालेर बसेका किसानको चट्याङ लागेर भेडा मरेपछि परिवारको घरखर्च चलाउन समस्या भएको नुनिलाल रावतले बताउनुभयो । उहाँले भन्नुभयो, ‘चट्याङले हामी किसानको रोजिरोटी खोसेको छ ।’

जुम्लामा कहिले हिमपातले त कहिले चट्याङको मारमा किसान पर्दै आएका छन् । यो वर्ष हिउँदे सिजनमासमेत हिमपातले सयौँ भेडा मरेका थिए ।

श्राेत ujyaaloonline

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment