आत्मघाती गोलले पराजितनापोली

आत्मघाती गोलले पराजितनापोली

१५ भदौ, काठमाडौं । युभेन्टसले इटालियन सिरी ए फुटबलमा नापोलीलाई पराजित गरेको छ ।

शनिबार राति भएको खेलमा युभेन्टसले नापोलीलाई ४–३ गोलअन्तरले पराजित गरेको हो । युभेन्टसको जितमा क्रिष्टियानो रोनाल्डो, गोञ्जालो हिगुइन र ड्यानिलोले गोल गरे । एक गोल भने उपाहारस्वरूप युभेन्टसले पाएको थियो । यता, नापोलीका लागि भने कोष्टास मानोलस, हिर्भिङ लोजानो र जियोवन्नी डी लोरेन्जोले गोल गरे ।

खेलको १६औं मिनेटमा नै ड्यानिलोले गोल गरेपछि युभेन्टस १–० गोलले अघि रह्यो । १९औं मिनेटमा हिगुइनले गोल गर्दै युभेन्टसलाई २–० गोलको अग्रता दिलाए ।

६२ औं मिनेटमा रोनाल्डोले गोल गर्दै युभेन्टसलाई ३–० गोलको अग्रता दिलाए । ६६ औं मिनेटमा मानोलसले गोल गरेपछि नापोली ३–१ गोलको स्थितिमा पुगेको थियो । त्यस्तै, ६६औं मिनेटमा लोजानोले र ८१ औं मिनेटमा लोरेन्जोले गोल गरेपछि भने नापोलीले युभेन्टसविरुद्ध ३–३ गोलको बराबरी बनाउँदै उत्कृष्ट पुनरागमन गर्‍यो ।

तर खेलको अतिरिक्त समयमा नापोलीले आत्मघाती गोल गर्न पुग्यो । कोलिबालीले आत्मघाती गोल गरेसँगै खेल युभेन्टसले ४–३ गोलअन्तरले जितेको हो ।

श्राेत onlinekhabar

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment