काँग्रेसमाथि प्रचण्डको हमला

काँग्रेसमाथि प्रचण्डको हमला

काठमाडौं ।काँग्रेसमाथि प्रचण्डको हमला प्रमुख विपक्षी दल नेपाली कांग्रेसले लासको राजनीति गर्न खोजेको नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डले आरोप लगाएका छन् । उनले डा गोविन्द केसीको अनशनलाई माध्यम बनाएर कांग्रेसले राजनीतिक दाउपेच गरेको आरोप लगाएका हुन् ।

 

उनले अनसनरत डा। गोविन्द केसीको काम नै अनसन बस्ने भएको र त्यसलाई नेपाली समाजले पचाइसकेको टिप्पणी गरे । तर कांग्रेसले डा गोविन्द केसीको अनशनलाई भजाएर आन्दोलन गरेको भन्दै चर्को आलोचना गरेका छन् ।

 

पुष्पलाल स्मृति दिवसको अवसरमा सोमबार आयोजित कार्यक्रममा प्रचण्डले डा। केसीको जीवन रक्षाको दायित्व सरकारको भएको बताए । तर सरकारले दायित्व निभाउँदा निभाउँदै पनि अर्को पक्ष गम्भिर नभएको बताए । कांग्रेस लगायत केही राजनीतिक दलहरुले तथाकथित लोकतान्त्रिक बन्ने नारा अलापेर केसीको हत्या गर्न र लासको राजनीति गर्न चाहेको टिप्पणी गरेका छन् ।

 

‘हामी डा केसीसँग वार्ता गर्न तयार छौँ । तर, नेपाली काँग्रेसले खोजेको चाहिँ के हो ? काँग्रेस केसीको पुच्छर समातेर संघीय लाकतान्त्रिक गणतन्त्रमाथि काँग्रेसले के गर्न खोजेको हो ? के काँग्रेसले गोविन्द्र केसीमाथि राजनीतिक गर्न खोजेको हो । ?’ प्रचण्डले डा.केसी प्रकरणमा काँग्रेसले लिएको पोजिसनतर्फ हमला गर्दै भने, ‘के काँग्रेस अलोकतान्त्रिक भएको हो । केकाँग्रेस एजेन्डाविहीन भएको हो ? गोविन्द केसीको माग पुरा गर भनेर सम्पूर्ण तोडफोडमा उत्रनु भनेको मेरो दृष्टिमा अब काँग्रेस सिद्धियो । काँग्रेसको अवसानको बाटो शुरु भयो ।’

 

लोकतान्त्रिक भनिएका पार्टीले नै अनशनरत डा.गोविन्द केसीको हत्या गरेर उनको लाशसँग राजनीति गर्न चाहेको भन्दै कटाक्ष गरे ।

 

केसीको जीनव रक्षा नै सरकारको पहिलो दायित्व भएकाले उनलाई जुम्लाबाट काठमाडौं ल्याइएको पनि प्रचण्डले बताए ।

 

प्रचण्डले डा.केसीको माग पुरा गर्ने विषयमा आफु, प्रधानमन्त्री र काँग्रेस सभापति शेरबहादुर देउवावीच कुरा भएको र यस्तो भेटमा देउवाले काँग्रेसको छुट्टै माग नरहेको र केसीले माने काँग्रेसले स्वीकार गर्ने जवाफ दिएको बताए ।

 

प्रचण्डले लगातारको अनशनमा पनि असन्तुष्टि जनाए । ‘एउटा व्यक्ति माग राखेर अनसनमै बस्ने हो भने चुनाव किन चाहियो ? संसद किन चाहियो ? चुनाव किन गर्ने ? पालैपालो एकजनालाई अनशनमा राखौँ । माग पुरा गरौँ ।’ प्रचण्डले भने, ‘यहि बुद्धि हो भने काँग्रेस इतिहासको विषय बन्न कसैले रोक्न सक्दैन । अब हामी तल जाँदैछौँ, यसबाट के निस्कन्छ, हेर्नुहोला ।’

 

प्रचण्डले काँग्रेसले अराजकता मच्चाउन खोजेको पनि आरोप लगाए । ‘७० वर्षपछि ५ बर्ष सरकार चल्ने अवसर पायौँ भनेर सत्ता र प्रतिपक्ष सवैको हो भनेका थियौँ । चार महिना कुर्ने धैर्यता देखिएन । अनि फेरि अराजकता शुरु भयो । लोकतान्त्रिक भन्नेहरुले सरकारी डाक्टरलाई परिक्षण गर्न नदिने, वार्ता गर्न दिन्नौँ यो कस्तो लोकतन्त्र हो ?’ प्रचण्डले भने, ‘अराजकता मच्चाउनेहरु फोहरमै बस्न चाहेका छन् । हामी सिधा वार्ता गर्न तयार छौँ, डा गोविन्द केसी ककसको घेरामा त पर्नुभएको छैन ? तपाईंप्रति र तपाईंको अनसनप्रति कुनै घृणाा छैन । लेनदेन गर्न तयार छौँ । तर, तपाइको नाममा अराजकता मच्चाउन दिदैनौँ । प्रतिपक्षका साथीहरुलाई वार्तामार्फत अघि बढ्ने वाताबरण बनाउनुस् । अझैपनि ठाउ छ । अन्यथा भिरबाट खस्नेलाई केके भन्न सकिन्छ भनेजस्तै…।’

 

प्रतिक्रान्ति हुन थालेको भन्दै प्रचण्डले भदौदेखि महाअभियान चलाउने बताए । प्रचण्डले अहिले पार्टी एकता र सरकारलाई बद्नाम गर्ने नियोजित षड्यन्त्र भइरहेको पनि दावी गरेका छन् ।

 

आफुलाई तथाकथित प्रजातन्त्रबादी भन्नेहरुले लासको राजनीति गर्न खोजिरहेको प्रचण्डको भनाई थियो । उनले डा. गोविन्द केसीले पहिलो पटक अनसन नबसेको भन्दै लोकतान्त्रिक सरकार भन्नेहरुका पालामा सवैभन्दा बढि बसेको बताए । ‘त्यो वेलामा के हेरेर बस्नुभएको थियो । उहाँ अनसन बस्नुहुन्छ । उहासँग सरकारले वार्ता गर्छ । काग्रेसले बढि टाउको दुखाउनुपर्दैन ।’ प्रचण्डले भने ।

 

अध्यक्ष प्रचण्डले एमाले र माओवादी एकतापछि अझैपनि जीवन मरणको चरणमा रहेको भन्दै एकतालाई अझ मजवुत बनाउनेतर्फ लागिएन भने संकटमा फस्न सक्ने खतरा रहेको बताए ।

 

प्रचण्डले आफुहरु युद्धबाट शान्ति कायम गर्न सक्ने हैसियतको नेता भएको भन्दै अराजकता रोकिने बताए । ‘हामी युद्धबाट शान्ति कायम गर्न सक्ने नेता हौँ । सानातिना समस्याबाट हामीलाई कसैले कमजोर पार्ने सपना देखेको छ भने त्यो दिवा सपना हुनेछ । युगान्तकारी परिवर्तन, संविधान बनाउने नेतृत्व गरेका छौँ हामीले ।’ प्रचण्डले भने, ‘कसैले सजिलै हामीलाई कमजोर पार्ने सोचेको छ भने आफु पर्ने खाल्डो आफै खन्दैछ ।’

 

उनले आजको समारोहको विशिष्ठ अर्थ रहेको भन्दै यसलाई सामान्य औपचारिक कायर्मक्रमका रुपमा बुझ्न नहुने बताए । प्रचण्डले पुष्पलालको सपना पुरा गर्न बाँकी रहेका कम्युनिष्टहरुलाई पनि एकतामा सहभागि हुन अपिल गर्दै प्रतिक्रान्तिकारीको शिकारबाट बच्न आग्रह गरे ।

 

तपाइलाइ याे कस्ताे लाग्याे कमेन्ट गर्नहाेस् तपाइकाे कमेन्टकाे मुल्याङ्कन सबैले गर्नेछन्

Related posts

Leave a Comment